الثلاثاء

 حوالين البيت

كلمات: عبد السلام امين

 ألحان: بليغ حمدى 



كلمات الاغنيه

حوالين البيت درت ولفيت

وبقلبي وعيني لفوق بصيت

ولا حد هناك جوه الشباك

يا ستاير شباكها

انا جيت واستنيت

انا جيت في ميعادنا بالثانيه

ووقفت شويه ع الناصيه

كان دايما شباكها منور

والاقيها واقفه بتستنظر

دلوقتي مفيش وكمان الشيش

ولا عارف فين هيه

ولا حد هناك جوه الشباك

يا ستاير شباكها

انا جيت واستنيت

انا كنت باشوفها بتستني

واقفالي في شباك الجنه

مش بس في شباكه وازاز

دي حوريه واقفه في برواز

بقي دا معقول افضل مشغول

ساعتين وانا واقف باستني

ولا حد هناك جوه الشباك

يا ستاير شباكها

انا جيت واستنيت

حوالين البيت درت ولفيت

وبقلبي وعيني لفوق بصيت

ولا حد هناك جوه الشباك

يا ستاير شباكها

انا جيت واستنيت


للتحميل




للاستماع


Leave a Reply

Subscribe to Posts | Subscribe to Comments

- Copyright © بليغ حمدي - Skyblue - Powered by Blogger - Designed by Johanes Djogan -