الأربعاء


الشارع لنا

كلمات صلاح جاهين

الحان بليغ حمدي وسيد مكاوي


كلمات الاغنيه

أبدا .. من ميت شابورة مفيش خروج أبداً

تقعد هنا و تباشر العزبة

انا مش تبع مخلوق يا سيدنا البيه

انا حر في اللي يقول ضميري عليه

و إن كنت تحكم جوا ملكوتك

الشارع الواسع فاتحلي ايديه

الشارع الواسع ده ليا كمان

لأ يا ابن ابويا حضرتك غلطان

قولوا له يا ولاد الشارع لمين

قولوا له ليكون البعيد غفلان

الشارع لمين!!!!!!؟؟؟؟؟

الشارع لنا الشارع لنا

احنا لوحدنا

و الناس التانيـينـن دول مش مننا

دول ناس انانـيـين في مكانهم واقفين

دول مش مننا

يا اللي مشيت الشارع طوله و عرضه شمال و يمين

خدك الشارع خدته و طرت بعيد عن الظالمين

قول لنا ايه اللي انت كسبته

ايه اللي لأصحابك جيـبـتـه

اكيلنا و طول و اروينا

ده احنا عطشانين

و متشوقين

الشارع كان شوك

و انا حافي و دمي عليه سيال

و ورايا و قدامي سراب

و باغرق في الرمال

و الينابيع الصافيه,,,قول,,,اتكلم

ما تفكرنيش ,,, انا باتألم

أبدا مش ده كلامك يا زين الرجال

يا سيد العاقلين.. قول .. الشارع لمين؟

مشوار بديته و قلبي بالامل مليان

جمل الطريق عضني

و طلعت انا خزيان

احلى ما في الحلق طعم المر للذكرى

شوفوا المرار لما يبقى حلو يا جدعان

كان وعد منك كان حلم منا

قالت الشفايف شافت عيوننا

قوس الشتويه سبع الوان

المرمر الاحمر

ينشق ينور

يتفجر رماد

بالأمر يحـَـضـَـر

لبن العصفور في ورق سلوفان


 للتحميل




للاستماع



Leave a Reply

Subscribe to Posts | Subscribe to Comments

- Copyright © بليغ حمدي - Skyblue - Powered by Blogger - Designed by Johanes Djogan -